Ôi 10/3, ta ntŭk têl ơm yău đồn điền CADA, xã Ea Yông, nkuâl Krông Pắc, ƀư “Hội trại cà phê năm 2025” đah nkô̆ “Ndrel hăn n’hanh tâm nkoch”. Nar ƀư lah ngoăy tâm ăp nău kan tâm Lễ hội cà phê Buôn Ma Thuột tâl IX năm 2025, mbah rhơn nkah ndray 50 năm rklaih luh Buôn Ma Thuột. 

Ntơm bah đồn điền lor bôk năp dja, tơm cà phê hŏ hun hao lam  ăp nkual Tây Nguyên, jêng  tơm tăm tơm nsĭt tay an nău rêh geh mbơm an nuĭh ƀon lan. Lam n’gor Dak Lak aƀaơ geh nklăp 210.000ha cà phê, rnoh âk geh ăp năm rlău 550.000 tấn cà phê rnglăy. Nsĭt geh tăch n’gluh cà phê bah n’gor năm 2024 tât rnoh 1,2 rmen USD. Wa Nguyễn Thiên Văn – Groi Kruanh UBND n’gor Dak Lak an gĭt, năm lor bôk năp ƀư Hội trại cà phê, lah ngoăy tâm ăp ntŭk rgum bah Lễ hội cà phê Buôn Ma Thuột, rgop nkơnh n’hơ ăp ndơ geh ƀư tuch tăm tât năch pâl nđaih.