Tâm n’gor Kon Tum hŏ tât tâm rnôk yan vai, đah nau rvê mra geh ŭnh sa bri, đah rhiăng rbăn ha bri. Bah năp nê, rmôt kan bah n’gor dôl n’hao nau njrăng rdâng ŭnh sa. Nau mbơh tă bah N’gâng kan mât njrăng bri n’gor Kon Tum ân saơ, tâm ăp nkuăl: Ia H’Drai, Sa Thầy, Đăk Tô, Ngọc Hồi, Đăk Hà, Kon Rẫy, Đăk Glei, Tu Mơ Rông ndrel nkuăl ƀon têh Kon Tum mbơh rnoh mra geh ŭnh sa lah mrô V, mrô khuch ngăn geh nau mra ŭnh sa tâm ăp ntil bri.

Wa Nguyễn Văn Nam, Kruanh n’gâng kan mât njrăng bri n’gor Kon Tum mbơh, gay rdâng ŭnh sa bri 14 rmôt tơm bri, geh 7 Công ty, 7 Rnâng kan mât njrăng bri ndrel n’gâng kan 10 nkuăl, nkuăl ƀon têh tâm n’gor hŏ n’hao nau njrăng rdâng, ƀư rjăp nau mât nŭih luh ndrel lăp bri ndrel nkân uănh ŭnh gay njrăng ŭnh sa./.