Nar 12/3, Kruanh Quốc hội Trần Thanh Mẫn râng Lễ pah neh ntuh kơl rdâk njêng n’hanh tăch rgâl buăt nthoi ntung trong ndơ dŏng Nkual công nghiệp VSIP II Quảng Ngãi.

Lah ta rơh lễ, Groi Thủ tướng rnâng kan Nguyễn Hòa Bình lah rjăp, nău dơi bah VSIP Quảng Ngãi lah du nău nkah uĕh, an saơ ngăn ngăn an nău rgop uĕh tâm rơh hun hao wăng sa rêh jêng kon nuĭh bah n’gor Quảng Ngãi. Gay trong nchrăp rdâk njêng n’hanh tăch rgâl ndơ dŏng ntung trong Nkual công nghiệp VSIP II Quảng Ngãi dơi an ƀư di rnoh ngăch n’hanh geh ăp nău dơi kơt nău mpŏng, Groi Thủ tướng dăn đă Tập đoàn Sembcorp n’hanh Becamex ntik n’hao tay nău dơi nsĭt geh bah ăp Nkual công nghiệp, Đô thị n’hanh rhŏ dŏng; rđău đă ntuh kơl, hun hao Nkual công nghiệp VSIP II Quảng Ngãi tĭng trong rƀŏng nkual công nghiệp têh uĕh mhe n’hanh nâp jong, hăn tât jêng ăp reh n’gu công nghiệp – rgâl blău njêng mhe - đô thị - rhŏ dŏng - công nghệ mhe; nkre, ntrŏng rnôk jêng công nghiệp âk ân đăp mpăn hun hao tâm lăp tâm ban nsum n’hanh đah ƀon lan, ntŭk ntô ndơ dŏng n’hanh hun hao wăng sa nuĭh gĭt blău ta n’gor.