Kêng măng 14/3, ta Nhih pah kan Trung ương Đảng, Tổng Bí thư Tô Lâm hŏ wơt wa Nate Franklin, nuĭh tơm njêng n’hanh Kruanh Tập đoàn Pacifico Energy (PE), Hoa Kỳ.  Tổng Bí thư rhơn rnê âk nău rgop ngăn ngăn n’hanh geh nău tam bah Tập đoàn PE tâm ban kơt wa Nate Franklin nơm đah nău hun hao bah Việt Nam tâm trong kan ŭnh nar sĭt jêng tay n’hanh tâm boh Việt Nam – Hoa Kỳ. Tổng Bí thư lah rjăp Hoa Kỳ lah ngoăy tâm ăp băl tâm boh khlay dâk bôk năp bah Việt Nam, tâm trôm nău tâm boh têh jong lam lĕ rngôch Việt Nam - Hoa Kỳ dôl njêng sŭng lhoi n’hanh njêng geh trong mhe đah doanh nghiệp Hoa Kỳ ntuh kơl, tăch rgâl ta Việt Nam.

Tổng Bí thư nkoch mpeh trong uănh jong, nău nsrôih bah Đảng, Ngih dak n’hanh ƀon lan Việt Nam gay tĭng ƀư rnoh tât hun hao, jêng dak dôl hun hao, geh jâng nsing công nghiệp têh mhe, rĭng geh tĭng bôk nuĭh âk tâm năm 2030, n’hanh dak hun hao, nsĭt geh wăng sa âk tâm năm 2045; lah rjăp Đảng n’hanh Chính phủ Việt Nam mbra nta trong dơh, tâm nê geh nău rgâl soih uĕh trong tĭng, gay ăp nuĭh ntuh kơl tâm n’hanh bah dih dak tăch rgâl nsĭt geh ta Việt Nam. Việt Nam mbra ton tay đah rnoh ŭch tât mô hôm n’gluh n’huk “0” tâm năm 2050. Tổng Bí thư dăn đă Tập đoàn PE pơk hvi tay tâm boh, ntuh kơl tăch rgâl ta Việt Nam, tâm nê geh ăp trong nchrăp rgâl ŭnh nar mhe…