Kêng măng 14/3, Thủ tướng Chính phủ Phạm Minh Chính wơt wa Vouter Van Wersch, Groi Kruanh ƀĭt joet lam ntŭr neh Tập đoàn Airbus-Tập đoàn nkra njên ndeh păr bôk năp lam ntŭr neh dôl khâl, pah kan ta Việt Nam.

Ta nar wơt, Thủ tướng Phạm Minh Chính uănh lah prêh nău kan ndrel bah Airbus n’hanh mpeh Việt Nam ta âk ntil nău, rgop n’hao boăt nthoi tâm dak, lam ntŭr neh n’hanh hun hao wăng sa-rêh jêng Việt Nam, Thủ tướng mĭn lah Việt Nam uănh khlay đah ăp dak châu Âu, ngăn lah ăp dak têh jêng Airbus geh Anh, Đức, Pháp, Tây Ban Nha; nkre nchrăp ƀư jru lơn nău tâm boh way ơm, nsing nơm n’hanh kan ndrel têh hvi đah ăp dak, ngăn lah mpeh wăng sa-tăch rgâl, ntuh kơl, tă bah nĕ kơl ăp dak kan ndrel Việt Nam geh n’gâng tơm, geh ndơ kan ndrel uĕh lơn đah Airbus. Mĭn lah, Việt Nam ton nta an ăp ndơ dơh nơih, tâm di đah nău ntrŭnh bah pháp luật gay ăp nuĭh ntuh kơl dak bah dih lah nsum n’hanh tâm đoàn Airbus lah êng ntuh kơl tăch rgâl săk rnglăy n’hanh nâp nâl ta Việt Nam, Thủ tướng Chính phủ đă Tập đoan Airbus kan ndrel tay đah ăp ndeh păr bah Việt Nam gay hun hao nău kan công nghiệp hàng không ta Việt Nam.