Ôi nđaơ (6/3), ta Ngih Quốc hội, Kruanh Quốc hội Trần Thanh Mẫn mâp măt bu ur Đại biểu Quốc hội chuyên trách ta Trung ương, bu ur cán bộ yor Ủy ban Thường vụ Quốc hội mât uănh n’hanh bu ur kruanh gưl vụ tâm Hội đồng dân tộc, ăp Ủy ban bah Quốc hội, ăp ngih pah kan kơl nău kan bah Đảng ủy Quốc hội n’hanh Văn phòng Quốc hội. Ndơn măt an Đảng ủy Quốc hội, Ủy ban Thường vụ Quốc hội, Kruanh Quốc hội djôt dơn n’hanh rnê ăp đại biểu Quốc hội n’hanh cán bộ bu ur bah ăp ngih pah kan Quốc hội.

Kruanh Quốc hội Trần Thanh Mẫn lah rjăp, Đảng lĕ geh âk nghị quyết, ntĭm đă an uănh tât cán bộ bu ur mpeh nuih n’hâm n’hanh drăp ndơ, nta nơih an bu ur dơi geh nsơr soan, nti, râng ăp nău kan rêh jêng. Yor rĭ, nău uănh tât bu ur mô knŭng tâm ăp nar 8/3 mô lah 20/10 ma an uănh tât du trong ƀa ƀơ. Kruanh Quốc hội Trần Thanh Mẫn lah Ủy ban pah kan đại biểu tâm năm kan Quốc hội khóa 14, Hội đồng nhân dân ăp gưl 2026-2031 an ƀư tĭng di ăp nău ntĭm đă bah Đảng mpeh rnoh bu ur đại biểu Quốc hội, râng đại biểu Hội đồng nhân dân ăp gưl, rnoh bu ur râng rđău kan ta ăp ngih pah kan bah Quốc hội.