Ôi ntri, 13/5, Kruanh Quốc hội Trần Thanh Mẫn ƀư tơm rơh pah kan đah Ban rđău đă bah Quốc hội mpeh hun hao khoa học, công nghệ, rgâl blău ƀư mhe, rgâl mbrô gưl neh dak n’hanh Ban rđău đă rgâl mbrô bah Quốc hội.

Lah n’glôch jêh rơh pah kan, Kruanh Quốc hội Trần Thanh Mẫn tâm ban ŭch nău n’glăp dơn ngoăy bar ban rđău đă; njrăng đă Ban rđău đă ân grêt dăch nău kan, mô an nău kan geh mbrơi nkai; nkre ntrŏng kloh nău dơn kan bah ăp nuĭh, ăp mpôl, tĭng ƀư ngăn trong nchrăp nuĭh mô râng, nuĭh mô tŏng nău ŭch geh mpeh rgâl mbrô ri dâk êng du ding. Mpeh lôch jêh tĭng ƀư Trong leo “Tâm kơl ntĭm nti mbrô lam ƀon lan - Quốc hội mbrô”, Kruanh Quốc hội đă ân rêng lam trong kan chính trị rnôk geh tŏng ndơ; bah meng nê, an ƀư tay ăp siƀŭt mpeh nău dơi rgâl mbrô an cán bộ, công chức tâm Quốc hội gay đăp mpăn ăp nău gĭt blău, nău hăr blău dja geh rnoh khlay dŏng âk.