Nung nar nđaơ (13/10), ta Ngih quốc hội, Kruanh Quốc hội Trần Thanh Mẫn rgum nchră đah Thủ tướng Quốc vụ viện Trung Quốc Lý Cường dôl leo mpôl đại biểu gưl prêh Trung Quốc hăn khâl na nê̆ Việt Nam. Kruanh Quốc hội Trần Thanh Mẫn mĭn lah Việt Nam nsrôih nâp nâl n’hanh hun hao tâm boh kan ndrel, dăch dêh đah Trung Quốc, uănh aơ lah nău ntrŭnh êng, đă tâm di, săch trong kan têh n’hanh kơl lor bôk năp tâm trong hăn tâm rnglăp bah dih đăp mpăn êng, kan ndrel n’hanh hun hao, tâm rgop âk ntil trong tâm boh tâm rnglăp nchră nău bah dih bâh Việt Nam.

Mpeh kan ndrel nghị viện, Quốc hội Việt Nam n’hanh Quốc hội Trung Quốc mât uĕh tay ƀư tơm ndâk njêng pháp luật n’hanh groi nđôi tâm nău ntrôl tâm boh 2 dak, ntrôl dăng tâm rgâl nău blău ơm mpeh lôch jêh trong ƀư, ndâk njêng Ngih dak pháp quyền xã hội chủ nghĩa đah nău rđău bah Đảng.