Bar kruanh rđău kan mpơl nău rhơn bah năp nău hun hao jru hvi, lam lĕ rngôch n'hanh ngăn ngăn tâm boh Việt Nam - Mông Cổ, lơn lah bah rnôk bar dak njêng tâm boh têh jong lam lĕ rngôch nkhêp geh hăn khâl gưl Ngih dak tât Mông Cổ bah Tổng Bí thư, Kruanh dak Tô Lâm khay 9/2024. Bar ding tâm ban ŭch ndâk nsơm nău tâm rnơm chính trị, ƀa ƀơ mât nau tâm mâp gưl prêh ndrel ăp gưl đah âk nau kan ueh;  n'hao tay nau pơk hvi nau tâm boh nchră nau đah dak bah dih, mât njrăng neh dak, rnă njrăng đăp mpăn; ntrŭt dăng nau tâm boh ngăn, ndrel geh nau dơi, bah nê njêng nau rgâl mhe mpeh nau tâm boh văng sa, tăch rgâl ndrel ntuh kơl, tâm nê geh nau ntrŭt dăng ơm ƀư rơh rƀŭn tal 20 bah Uỷ ban bar Chính phủ Việt Nam - Mông Cổ; nsrôih ơm geh nkô̆ nau n'hao nau geh tăch rgâl hao 200 rkeh USD; ntrŭt dăng nau tâm boh khoa học công nghệ, pâl n'aih, ntrơn rgâl rnoh  mrô, ŭnh nar ndâk dŏng tay, ŭnh nar kloh ueh. Thủ tướng Mông Cổ dăn đă nău mĭn njêng, ntrŭt ntrôl tâm nchră trong hăn pe dak Việt Nam-Mông Cổ-Trung Quốc gay ntrŭt ntrôl săk rnglăy, ngăn ngăn tâm boh tâm trong hăn nsong nchoăn rdeng ndơ n'hanh logistics.