Lôch nglăp nsum n’gor, geh rlău 1.800 cán bộ, công chức, viên chức n’hanh nuĭh pah kan hăn bâh Đăk Nông n’hanh Bình Thuận ơm tât pah kan ta ntŭk kan chính trị- hành chính kan ta Đà Lạt. Tĭng nău kơl, ăp cán bộ, công chức, viên chức n’hanh nuĭh pah kan geh kơl an du tŏ prăk 10 rkeh prăk, ăp khay geh kơl 5 rkeh prăk hăn nsong n’hanh prăk manh ntŭk gŭ. Đag công chức gưl n’gor hăn kan ta xã geh kơl du tŏ rnoh prăk đah 10 khay prăk khay tơm mô geh kơp đah nuĭh hăn kan ta phường ta nkuăl ƀon têh Đà Lạt, Phan Thiết n’hanh Gia Nghĩa ê lor nglăp nsum.