Rơh khâl na nê̆ Cộng hòa Pháp bah Tổng Bí thư, Kruanh dak Tô Lâm lah rnôk gay Việt Nam n'hanh Pháp ntrŭt ntrôl lơn đŏng tâm boh tâm ăp trong kan ma Pháp geh nău dăng kơt ŭnh nar, ntung trong khlay, ntung trong nkual ƀon têh, trong trôk, rdâng lơh đah rgâl trôk nar; nkre pơk hvi tât ăp trong kan tâm di đah nău rƀŏng hun hao bah Việt Nam kơt, khoa học, công nghệ, hàng không vũ trụ, công nghệ rhŏ dŏng rgâl mrô, nău mĭn gĭt blău kon nuĭh. Rơh khâl mbra rgop ntrŭt ntrôl tâm boh tâm rnglăp tâm boh têh jong lam lĕ rngôch đah Việt Nam n'hanh Pháp hăn lăp jru, ngăn ngên, săk rnglăy. Bâh nĕ ntop njêng nău nsrôih mhe an nău hun hao bâh Việt Nam gay ma rdâk njêng neh dak têh ndrŏng tâm let năp tay n'hanh lah na nê̆ nău dơi ueh bâh Việt Nam ta ntŭk kan lam ntur neh.