Lơ 13/6, Quân ủy Trung ương-N’gâng kan mât njrăng bri dak ƀư Rƀŭn nchră uănh lah săk rnglăy 3 năm ƀư tĭng N’glôn jêh mrô 1 bah Bộ chính trị ƀư tĭng tay nău ntĭm đă mrô 5 mpeh ntrôl dăng nti n’hanh ƀư tĭng nău mĭn, nău rêh, pah kan Hồ Chí Minh. Ntoh ngơi ta rƀŭn nchră, Đại tướng Phan Văn Giang Kruanh N’gâng kan mât njrăng bri dak mĭn lah, 3 năm bah năp, cán bộ, đảng viên n’hanh ƀon lan ta tahen wât jru, nuih n’hâm lĕ đah nău kan, nti êng n’hanh ƀư tĭng Wa đah ăp nău ƀư na nê̆, ngăn ngên.

N’hao nuih n’hâm “Rhŏ nău kan Neh dak, rhŏ an nuĭh ƀon lan”, mkra ăp nău jêr jŏt, lôch uĕh nău kan dơi jao, nchrăp nsơr soan an mât njrăng Đảng, Ngih dak, Neh dak n’hanh nuĭh ƀon lan, ƀư uĕh tay nău way ơm “Nsrôih lơh, nsrôih dăng” n’hanh rêng hvi nău rêh, rup ndah uĕh lăng Tahen Wa Hồ rơh mhe. Năm tât, Đại tướng Phan Văn Giang đă gưl ủy, rmôt đảng, ăp gưl mât uănh n’hanh ƀư uĕh du đêt nkô̆ nău khlay. Tâm nĕ n’hao nău mât ƀư tơm, lĕ đah nău kan n’hanh n’hao êng n’hâm soan ntrong leo bah cán bộ, đảng viên.