Tĭng nău ntrŭnh bâh Thủ tướng Chính phủ an dŏng nău nchrăp kan n’gor Lâm Đồng, tât năm 2030, Lâm Đồng mbra jêng n’gor hun hao lĕ rngôch, rdâk njêng Đà Lạt n’hanh nkual dăch meng jêng ntŭk kan pâl nđaih ueh têh bâh lam dak n’hanh ta nkual Đông Nam Á, lah ntŭk ntĭm nti, rgâl mhe nău kan.

Tâm nĕ, nău ngăch hun hao GRDP râng geh 8,5-9% /năm, nău geh râng geh du hê nuĭh geh 170 rkeh prăk/năm, rnoh rnăk  ach o âk geh mât ta rnoh 1-1,5%...Mpŏng tât năm 2050, geh ăp nău mpŏng kan jêng nkuăl ƀon têh bâh trung ương ueh mhe, geh nău way êng, kloh nđir, ueh mhe n’hanh rêh ueh. Tâm nar 23/6 đŏng, Groi Thủ tướng Chính phủ Trần Lưu Quang lĕ râng rơh mbơh n’hao tach ndeh păr Liên Khương ta Lâm Đồng jêng tach ndeh păr đah lam ntur neh. Lvang năm 2021-2030, tach ndeh păr Liên Khương geh nchrăp ƀư gâl tach ndeh păr 4E n’hanh tach ndeh păr tahen gâl 2. Nău dơi geh klâp ma 5 rkeh năch n’hanh 20 rbăn tấn drăp ndơ.