250 đại biểu ndơn kan an rlău 378 rbăn nuĭh rnoi đê̆ tâm n’gor sĭt râng, tâm nĕ geh âk nuĭh ntoh lư tâm trong kan ntơm nău kan, hun hao wăng sa, hun hao ƀư sâm geh. Đại hội ngluh mbơh nkô̆ nsrôih tât năm 2030, nău geh râng geh ta nkual rnoi đê̆ geh bâh 84-87 rkeh prăk/hê/năm, n’hanh rnoh rnăk ach o bâh 2-3%/năm.Trĕ lam hvi ăp nău kan ntơm njêng nău kan, tâm rlong pah kan jan sa, mât uănh ntuh kơl mpeh ăp nău kan gay ma hun hao mpeh wăng sa rnăk vâl, doanh nghiệp, HTX ta ăp ƀon tâm n’gor.

Đại hội lah na nê̆, nău rêh bâh ƀon lan ăp mpôl rnoi đê̆ ta n’gor Kon Tum lĕ geh n’hao lĕ rngôch. Nău geh gĭt n’hanh dŏng ngăch ndăn ăp nău mhe tâm nău pah kan jan sa lĕ kơl an nău geh 50 rkeh prăk/hê/năm, hao 12,5% đah năm 2019. Ngăn lah, aƀaơ ta lam n’gor geh 353 doanh nghiệp yor rnoi đê̆ ƀư tơm, đah lĕ rnoh prăk kan hao tât 2.773 rmen prăk. Ntoh ngơi ta đại hội, wa Y Vinh Tơr, Groi kruanh Ủy ban Dân tộc kơp dơn, bôk nău pah kan hun hao wăng sa rêh jêng nkual ƀon lan rnoi đê̆ bâh n’gor Lâm Đồng geh nău geh lĕ rngôch. Gay ma an tâm di đah ăp nău dơi geh, wa Y Vinh Tơr an lah, Lâm Đồng an geh mât uănh âk lơn tay ăp rnoh kan nuĭh kan an nkual rnoi đê̆, ntrôl dăng ăp nău mât uănh kan ăp rnoh kơl an nkual ƀon lan rnoi đê̆, ntrôl dăng ăp nău kan nkô̆ mpŏng ngih dak mpeh rdâk njêng nkual ƀon lan mhe n’hanh n’huch ach o nâp nâl.