Ôi 26/9, tâm bôk nău kan ta Bình Dương, Thủ tướng Phạm Minh Chính hăn uănh ta ntŭk, uănh nđôi ngăch mbơh ƀư nău nchrăp ƀư trong hăn ngăch nkual ƀon têh Hồ Chí Minh-Thủ Dầu Một-Chơn Thành lvang ta n’gor Bình Dương. Hăn uănh nkual sŏk neh nău nchrăp ƀư, Thủ tướng Phạm Minh Chính lah rjăp aơ lah trong têh khlay, geh nkô̆ nău têh, boăt nthoi đah Tây Nguyên, Đông Nam Bộ, tach ndeh păr Long Thành n’hanh âk trong hăn ngăch, ndrâm dak lêng...

Thủ tướng đă 2 n’gor Bình Dương, Bình Phước tâm rgop rjăp, ntop kơl gay ntrôl ngăch ƀư, tâm nĕ lvang rlău n’gor Bình Phước knŭng geh 7km tĭng trong ntuh kơl nsum an ndăn mbơh ƀư, jêh ơm. Thủ tướng đă tâm pă ăp ntŭk ŭnh ta trong hăn ngăch tâm di, ndăn dăp rgum gay ƀư uĕh ngăn ntŭk ntô hun hao mhe bah trong hăn ngăch, hun hao ăp nkual công nghiệp, nău rhŏ tăch rgâl, nkual ƀon têh mhe đah ăp nkô̆ nău khoa học công nghệ, rgâl mĭn ƀư mhe, hun hao wăng sa mrô, wăng sa uĕh nđĭr, wăng sa tâm pleh ta ăp nkual công nghiệp.