Ntoh ngơi ta nău kan aơ, ndơn kan an chính phủ, Thủ tướng Phạm Minh Chính kơp dơn, rnê n’hanh rhơn ăp nău dơi geh khlăy ma Đảng bộ, n’gâng kan, tahen n’hanh ƀon lan n’gor Bình Dương lĕ dơi geh tâm ba năp nơh. Ŭch n’hanh knơm an lah, nău kan n’hanh nău dơi bâh n’gor Bình Dương ăp nar lơ ma geh mpơl na nê̆ ta trong kan tơm hun hao nsum bâh lam dak, tâm ban kơt ta nău ndơ̆ Việt Nam lăp ta rơh rach năm mhe, rach năm hun hao bâh mpôl rnoi, đah ăp ntŭk nsing nơm nâp nâl, he an geh n’hao, nĕ lah nău tâm rnglăp tâm ƀon lan, tâm đảng bộ, nĕ lah nău way ơm văn hóa lịch sử dŭt ntoh lư, nĕ lah nău knơm bâh ƀon lan n’hanh nău kơl an bâh ăp nuĭh ƀon lan, Thủ tướng knơm nău nchrăp kan aơ mbra nsĭt tay an Bình Dương hun hao têh dăng lơn.