Tâm bar nar (24 n’hanh 24/9), Mpôl Đại biểu Quốc hội n’gor Dak Nông hŏ ƀư ăp rơh mâp cử tri ta ăp xã Đắk Sin (nkuâl Đắk R’lấp), phường Nghĩa Trung (Nkual ƀon têh Gia Nghĩa), xã Nâm N’ Đir (nkuâl Krông Nô) n’hanh xã Ea Pô (nkuâl Cư Jút), djăt ăp nău rgop bah nuĭh ƀon lan bah năp rơh hop tâl 8, Quốc hội khóa XV.
Ta ăp rơh mâp, Mpôl đại biểu Quốc hội n’gor Dak Nông mbơh tât cử tri nchrăp nkô̆, bôk nău kan Rơh hop tâl 8, Quốc hội khóa XV mbra ƀư tâm khay 10 tât. Cử tri n’gor Dak Nông hŏ geh âk nău rgop, dăn đă mpeh ăp nkô̆ nău nchiăng khan ta ntŭk. Cử tri mpŏng n’gâng kan ntĭm nti gŭ mĭn n’gluh an dŏng tâm ban ndrôm siƀŭt giáo khoa n’hanh mbra dơi plơ̆ dŏng tay gay mpêt nkrem prăk nti an ăp oh kon. N’gor ân uănh khlay lơn nău ntuh kơl ntŭk ntô ntung trong thôn ƀon kơt điện, dak dŏng, nhih dak si ta nkuâl.
Viết bình luận