Kêng măng ntri (25/9), Mpôl hăn groi nđôi bah trung ương Hội Liên hiệp bu ur Việt Nam hŏ geh rơh pah kan đah Tỉnh ủy Dak Lak. N’gor Dak  Lak geh nklăp 2 rkeh nuĭh, tâm nê bu ur âk tât 52%. Rnoh bu ur cán bộ, công chức, viên chức lah bơi 45 rbăn nuĭh, âk 58% lam n’gor. Đah nău mât uănh, rđău đă bah gưl bah lơ, pah kan cán bộ bu ur dơi mât uănh khlay, rgop ntrŭt ntrôl tâm ban bu ur bu klô tâm trong kan chính trị.

Ndrel đah tâm ôp, ƀư kloh ăp nkô̆ geh tât trong kơl, pah kan cán bộ bu ur, ăp nuĭh râng nkoch ăp trong nkra n’hanh nău dăn đă gay ƀư jăp tay lơn đŏng pah kan cán bộ bu ur. Tĭng wa Nguyễn Thị Minh Hương, Groi kruanh Trung ương Hội Liên hiệp bu ur Việt Nam, cán bộ bu ur lah nsum ân dơi mât uănh khlay, đah ăp trong kơl, bôk nău kan tâm di, gay khân păng nkre dơn  mât jăp pah kan, mât chăm rnăk wâl, nkre dơi kơt nti n’hao nău gĭt blău.