Kêng măng 14/11, n’gor Kon Tum ƀư nau pă săk ntơ Nai ntĭm nti ưu tú, rnê ăp nŭih blau năm 2024 ndrel di nkah 42 năm Nar nai ntĭm nti Việt Nam. Tâm nar rƀŭn, rđau kan n’gor Kon Tum rnê ntŭk kan ntĭm nti ndrel rmôt ăp nai ntĭm nti bah n’gor tâm ăp năm rlau aơ hŏ ntrŭnh, ƀư tâm ban aơ nau kan, ntrong kan rgâl mhe, ăp ntil ntĭm nti tâm n’gor. Ntoh ngăn lah nau mât nâp nau kan ntĭm nti mầm non ân kon se 5 năm, ntĭm nti tiểu học ndrel ntŭk nti Trung học cơ sở; ăp nau kan tâm rlong ntĭm ndrel nti, bonh đă nau ntĭm nti, ndâk du nau rêh ntĭm nti geh kơl an.

Di rnôk aơ, nai ntĭm Thái Khắc Hoà, Kruanh jrâu kan ntĭm nti nkuăl ƀon têh Kon Tum rhơn rnôk ndơn săk ntơ Nhà giáo ưu tú yor Kruanh dak pă ân. N’gâng kan ntĭm nti pă bằng khen ân 2 nai ntĭm nti ntoh lư năm 2024 tâm n’gor Kon Tum; Kruanh UBND n’gor Kon Tum pă Cờ tâm rlong năm nti 2023-2024 ân 16 rmôt nŭih./.