Măng lơ 14/11, Thủ tướng Phạm Minh Chính hăn uănh nđôi nău mbơh ƀư rlong ndâk ƀư mpông n’har bri thông minh ta Mpông n’har bri quốc tế Hữu Nghị, n’gor Lạng Sơn-lah ntŭk rdêng ndoh ndơ đah Lạng Sơn đah Quảng Tây (Trung Quốc). Thủ tướng đă Lạng Sơn hăn lor tâm nău ƀư mpông n’har bri thông minh ta mpông n’har bri Hữu Nghị đah têh 14 mbôr bôk ndeh n’hanh jêh nĕ pơk hvi tay ăp mpông n’har bri, n’gor êng; kruanh ăp n’gor nsrôih tâm nchră đah Trung Quốc gay ƀư tĭng tâm ton lĕ dơi geh bah kruanh gưl prêh 2 dak.

N’gâng kan prăk kaih tâm pă prăk gay tâm pă an nău kan ndâk ƀư mpông n’har bri thông minh đah Lạng Sơn n’hanh Quảng Tây (Trung Quốc); ăp n’gâng kan nău kan râng, pah kan dŭt n’hâm. Thủ tướng lah rjăp Lạng Sơn an uănh khlay ƀư uĕh trong kan đăp mpăn mât njrăng bri dak rnă njrăng, ntrôl dăng trong kan tâm nchră bah dih, ntrôl tăch rgâl, n’hao săk rnglăy ƀư tĭng pháp luật ta nkual n’har bri, mpông n’har bri, ndâk ƀư trong n’har bri đăp mpăn, dăch dêh, kan ndrel, hun hao.