Nsum đah nău rhơn bâh nuĭh ƀon lan ta nkual 8 tâm nar tâm mâp tâm rnglăp mpôl rnoi, Thủ tướng Phạm Minh Chính ndơn kan an nuĭh leo kan Đảng, ngih dak, njoăl tât lĕ rngôch ƀon lan nău rhơn nău ôp khâl n’hanh njoăl nău ueh ngăn tât ƀon lan. Thủ tướng Phạm Minh Chính ŭch n’hanh knơm, ƀon lan ta nkual 8 n’hanh n’gor Lạng Sơn n’hao nău tâm rnglăp lĕ mpôl rnoi tâm ăp nkual kah gĭt, nkuăl ƀon têh, nkuăl, n’gor, lam dak n’hanh dak bah dih đah ăp ntil ndơ na nê̆. Ndrel đah nĕ, lah ƀư ueh nău tâm boh kan Đảng leo kan, ngih dak mât uănh, ƀon lan ƀư tơm. ntrôl nău kan rgâl mhe gay ma rgâl hao, mĭn kan gay ma hun hao, lăp kan ndrel gay ma mpŏng joat hăn let năp, tâm rnglăp gay ma dơi geh tay soan dăng pah kan, ƀư tĭng geh nău dơi lĕ rngôch ăp nkô̆ mpŏng kan, nău kan ta năm 2024, njêng nău hun hao n’hanh nău kan nâp nâl gay ma hun hao ngăch, nâp nâl tâm let năp tay, nău rêh ueh mhe, nău mĭn bâh ƀon lan năm ba kơi âk lơn năm ba năp.