Ta Ntŭk kan Tổng thống Peru, jêh ƀư wơt na nê̆ n’hanh rơh mâp êng, Kruanh dak Lương Cường lĕ rgum nchră na nê̆ đah Tổng thống Đi-na Bô-lu-a-tê. Ta rgum nchră, 2 dĭng mĭn lah nuih n’hâm bah 2 dak tâm nău n’hao tâm boh ăp ding hao du gưl prêh mhe.

Tĭng nuih n’hâm nĕ, 2 nuĭh kruanh tâm ban ŭch an rgum tay ntrôl kan ndrel tâm ăp ntil nău 2 ding dơi geh n’hanh ndrel uănh kơt wăng sa-tăch rgâl-ntuh lơl; nta nơih an nsum mpôl doanh nghiệp 2 dak n’hao tâm rgâl, kan ndrel wăng sa gay n’hao geh prăk ăp ding tâm di đah nău geh 2 dak; n’hao tâm rgop, kan ndrel n’hanh tâm kơl ndrel ta ăp rmôt kan lam ntŭr neh, rgum nchră ăp ding n’hanh 2 nkual.

Tâm rơh khâl aơ đŏng, Tổng thống Peru lĕ an Huân chương “Măt nar Peru” gưl Đại thập tự do an Kruanh dak Lương Cường.