Ta aơ Tổng Bí thư n’hanh mpôl pah kan lĕ tât mpoh su nhang kahgĭt ăp tahen khĭt tâm lơh kăl e ta rup ndah kahgĭt ăp tahen khĭt tâm lơh, tât khâl pă ndơ an cán bộ tahen Trạm rada 27 n’hanh leo rơh pah kan đah nkuăl ủy Bạch Long Vĩ. lah na nê̆ gôl dak Bạch Long Vĩ geh nău kan ƀư tơm kơl kan ba kơi, du ntŭk kan mât uănh njrăng mât nău đăp mpăn ta dak lêng ngăn lah nkual dak lêng Bạch Long Vĩ lah ngoăy tâm 8 ntŭk joi ka dŭt têh bâh njônh dak lêng Bắc Bộ, trong kan sinh thái dak lêng dŭt âk, ntil ndơ âk. Tổng Bí thư lah na nê̆, bâh nău dơi, nău knơm n’hanh nău geh bâh Bạch Long Vĩ, nkuăl ƀon têh n’hanh nkuăl an geh mĭn mpeh nău nchrăp kan n’hanh trong kan na nê̆ gay ma nkuăl gôl dak jêng ta ntuđk tơm mbơh nău tĕ ndar, hun hao nău kan mât tui ka n’hanh geh âk năch pâl nđaih, kơt nău mĭn nghị quyết bâh n’gâng kan chính trị. Mpeh nău kan tâm let năp tay, Tổng Bí thư đă, an geh nchrăp ueh nkual wăng sa n’hanh nkual gŭ rêh gay ma geh trong kan ntuh kơl an tâm ban mpeh ndơ dŏng ntung trong ŭnh nar, trong hăn, viễn thông, ndơ dŏng ntung trong nău kan ƀư joi tui ka, njrăng rdâng rgâl trôk nar mih sial, dak lêng hao têh, ntŭk der phŭt sial, mât đăp mpăn tâm rgop na nê̆ hun hao wăng sa rêh jêng, ndrel đah ndâk nsơm rnă njrăng, mât đăp mpăn ngih dak.