Ôi 14/11, ta Ngih Quốc hôị, Kruanh Quốc hội Trần Thanh Mẫn ƀư tơm rơh ntơm rƀŭn tal 39 bah Ủy ban Thường vụ Quốc hội. Ntoh ngơi ntơm ƀư rơh rƀŭn, Kruanh Quốc hội Trần Thanh mẫn nkoch kloh, aơ lah rơh rƀŭn khlay tă bah âk nkô̆ nău an rgop gay djăt, rblang ăp nău nchrăp ƀư luật dơi Quốc hội tâm nchră ta rmôt n’hanh ngih rƀŭn kơt ăp luật nchrăp mbra mbơh an ta Rơh rƀŭn tal 8, Quốc hội khóa 15.

Kruanh Quốc hội an gĭt, Rơh rƀŭn tal 8 lĕ ƀư geh 2/3 mông nar n’hanh dôl ƀư dĭng di nău đă rgâl mhe, ngăch, dôh rklaih jêr jŏt, wăk kol, ntŭk kol, ƀư soih tu tơm, rgum prêh an nău hun hao wăng sa-rêh jêng. Rơh rƀŭn aơ, Tổng Bí thư Tô Lâm n’hanh Kruanh Quốc hội lĕ geh nău ntoh ngơi ntơm ƀư, tâm nĕ nkoch kloh nău đă rgâl mhe mpeh ndâk njêng pháp luật, dơi ăp đại biểu Quốc hội tâm ban ŭch âk.