Nkhêp di nkah gĭt 94 năm nar way ơm Mặt trận Tổ quốc Việt Nam, n’gor Lâm Đồng ndrel ƀư Nar rgum tâm rnglăp têh lĕ rnoi nuĭh ta 20 nkual ƀon lan gŭ uĕh mhe. Lâm Đồng geh 1,5 rkeh nuĭh, 47 rnoi nuĭh, tâm nĕ nuĭh rnoi mpôl đêh geh 24,5%. Ăp năm bah năp, knơm nău uănh tât ntuh kơl bah Đảng n’hanhg Ngih dak đah ăp ntil, nău rêh drăp ndơ n’hanh nuih n’hâm bah nuĭh ƀon lan tâm n’gor lam nsum, kônh wa rnoi mpôl đêt lah êng nar lơ rgâl.

Lơn lah, nău rgŏ jă “Lam ƀon lan tâm rnglăp ndâk njêng thôn ƀon mhe, nkual ƀon têh uĕh lăng” lĕ nsĭt tay âk săk rnglăy khlay. Tât aƀaơ, rĭng geh prăk bôk nuĭh tâm nkual rnoi mpôl đêt Lâm Đồng lĕ geh 45 rkeh prăk/năm, rnoh rnăk ach o âk trong hŭch hôm 3,2%. Lam n’gor geh 353 doanh nghiệp yor nuĭh rnoi mpôl đêt ƀư tơm, đah dĭng lĕ prăk điều lệ bơi 2.800 rmen prăk; rlău 50 rmôt kan ndrel, HTX pah kan ta ăp ntil; 13 ndơ OCOP bah nuĭh rnoi mpôl đêt geh tâm di 3 sao.