Wa Lê Văn Chiến, Groi Kruanh Rnâng kan UBND n’gor Dak Nông geh pă, đă ƀư nau kan Kruanh ban Dân vận n’gor uỷ Dak Nông. Lơ 15/11, N’gor uỷ Dak Nông rƀŭn mbơh 6 nau ntrŭnh bah Rnâng kan n’gor uỷ mpeh nau kan cán bộ. Tĭng nê, Rnâng kan n’gor uỷ Dak Nông ntrŭnh nau mô hôm ân ƀư Kruanh Ban Dân vận n’gor uỷ đah wa Hà Thị Hạnh-Kruanh Ban Dân vận n’gor uỷ, Kruanh UBMTTQ Việt Nam n’gor kơp ntơm lơ 20/11/2024. Wa Lê Văn Chiến, Groi Kruanh Rnâng kan UBND n’gor geh pă, đă, ntop ƀư Kruanh Ban Dân vận n’gor uỷ Dak Nông. Kŏ tâm nar rƀŭn, N’gor uỷ Dak Nông hŏ mbơh ăp nau ntrŭnh tât nau đă, mbơh wa Nguyễn Văn Thanh, Groi Kruanh Ban Dân vận n’gor uỷ râng Ban chấp hành, Rnâng kan, ƀư Groi Bí thư Rnâng kan nkuăl uỷ Dak Song, năm kan 2020-2025.

Đă, ntop wa Lê Ngọc Quang, Giám đốc sở Văn hoá, Thể thao ndrel Pâl n’aih Dak Nông ƀư Groi Kruanh Ban Tuyên giáo n’gor uỷ kơp ntơm lơ 20/11/2024. Đă, pă nau kan ân wa Phạm Đức Lộc, Groi Bí thư Rnâng kan nkuăl uỷ Dak Song ƀư Groi Kruanh ban Dân vận n’gor uỷ kơp ntơm lơ 20/11/2024. Nau ntrŭnh ntoch jong mông ƀư kan Groi Kruanh Ban Dân vận n’gor uỷ đah wa Lê Sỹ Tuân kơp ntơm lơ 23/11/2024 ân tât rnôk lôch năm rlu ranh./.