Kêng măng 15/11, ta ntŭk kan Chính phủ, Groi Thủ tướng Lê Thành Long hŏ vơt wa Takagi Kuninori, Kruanh rmôt kan dak si IHW (international Health and Welfare). Aơ lah rmôt nŭih nai dak si bôk năp Nhật Bản, nau kan mô kâp geh săk rnglay, geh Đại học y khoa, ăp ngih dak si, ăp ntŭk kan kơl an tâm lam dak. Ntoh nau tâm nar vơt, Groi Thủ tướng Lê Thành Long mbơh, nau tâm boh Việt Nam-Nhật Bản dôl tâm rnôk hun hao ueh.

Ăp nau kan tâm boh ma Nhật Bản leo tât ăp nau tă geh dơi ngăn đah ăp nau kan mât chăm n’hâm soan ân nŭih Việt Nam. Rgop nau dơi nsum aơ geh âk nau nsôih bah rmôt kan IHW ndrel wa Takagi Kuninori. Groi Thủ tướng rnê prêh rmôt kan IHW mĭn, ntrŭnh ƀư ăp nau kan ntuh kơl ndrel ndâk ngih dak si tĭng nau ƀư bah Nhật Bản ta Việt Nam ŭch lah ăp nau kan bah IHW mra geh nau dơi, kơl an ƀon lan Việt Nam geh nau dơi mât chăm n’hâm soan đah nau kan dak si ueh mhe, geh rnơm, ăp ndrăp./.