Nkhêp geh râng pơh lễ gưl têh APEC ta Peru, Kruanh dak Lương Cường hŏ geh rơh wơt mpôl Doanh nghiệp Hoa Kỳ - APEC. Mpôl tâm rgop Doanh nghiệp Hoa Kỳ - APEC lah du trong blău ƀư mhe dơi tâm pă kan yor hiệp hội n’gâng kan công nghiệp geh nhih pah kan ta Hoa Kỳ n’hanh hŏ râng âk năm tâm APEC. Ntơh măt ăp doanh nghiệp Hoa Kỳ tât bah âk trong kan êng êng n’hanh lơn âk geh trong nchrăp ntuh kơl tâm Việt Nam.

Kruanh dak rnê âk tâm boh đah Việt Nam n’hanh Hoa Kỳ mô rlu dơi pơk hvi n’hanh hun hao âk lôch bơi 3 rach năm plơ̆ tay  kơt ơm tâm boh n’hanh rlău 1 năm n’hao tâm boh jêng tâm boh têh  jong lam lĕ rngôch. Kruanh dak lah rjăp Việt Nam dôl mô rlu lôch geh ăp tŏng ntŭk ntuh kơl tăch rgâl tĭng trong kloh rvah, đăp  mpăn, tâm di đah nău way dak bah dih gay wăch rgum ntuh kơl. Tâm rnôk rgâl wăng sa lam ntŭr neh, Kruanh dak an gĭt Việt Nam ŭch rŏng tâm boh lhăt đah ăp doanh nghiệp Hoa Kỳ n’hanh nkual APEC tâm ăp trong kan công nghệ mhe n’hanh rgâl blău njêng mhe; ŭnh nar sĭt jêng tay n’hanh hun hao nđĭr uĕh.