Aơ lah tal 2, rơh rƀun nchră Quốc hội oh kon se geh ƀư.
Rơh rƀŭn nchră Quốc hội oh kon se năm aơ geh nău tât râng bâh 306 đại biểu lah oh kon se đội viên, mom ndăm bâh 63 n’gor nkuăl ƀon têh ta lam dak. Ăp đại biểu geh săch bâh hội đồng oh kon se ăp gâl lĕ geh ƀư tâm mâp ƀon lan, djăt nău tâm rgop bâh ƀon lan ntŭk kan ba dâng. Tât râng rơh rƀŭn nchră rlong oh kon se geh ƀư đại biểu Quốc hội n’hanh ăp nău kan tơm bâh Quốc hội, Chính phủ tât râng rơh rƀŭn nchră bâh Quốc hội gay ma tâm nchră mpeh 2 bôk nău :Njrăng rdâng tâm lơh ta ngih nti, n’hanh njrăng nău tât bâh su mhâm, ndơ mô ueh, ngăn lah ta ngih nti. Ndrel đah rơh tâm nchră geh ƀư kêng măng nar aơ, mbra geh rơh ôp nău ơh nău mpeh 2 bôk nău aơ ta ntŭk rƀŭn nchră Diên Hồng ntŭk kan Quốc hội geh ƀư ta ôi tay 29/9, mbra geh nău tât râng bâh Kruanh Quốc hội Trần Thanh Mẫn n’hanh nuĭh leo kan ăp n’gâng kan, ntŭk kan.
Viết bình luận