Ôi lơ 26/9 tĭng mông Hà Nội, Tổng Bí thư, Kruanh dak Tô Lâm n’hanh i ur ndrel đah mpôl đại biểu gâl têh dak he lĕ tât tach ndeh păr Jose Marti ta Thủ đô La Habana, ntơm rơh tât khâl gâl ngih dak tât Cộng hòa Cuba tĭng nău jă bâh Bí thư Tal 1 Ban chấp hành trung ương Đảng Cộng sản Cuba, kruanh dak CH Cuba Miguel Diaz Canel Bermudez n’hanh i ur. geh ƀư tâm rnôk 2 dak mpŏng tât khagĭt 65 năm nar njêng nău tâm boh kan nchră nău đah bar dak  (2/12/1960-2/12/2025), rơh tât khâl lah nău an saơ na nê̆ nău tâm boh tâm rnglăp way ơm, tâm rnglăp khlăy Việt Nam- Cuba n’hanh way geh uănh lah drăp ndơ dŭt khlăy geh Đảng, Ngih dak n’hanh ƀon lan 2 dak lĕ bun dăp, nkre lah mpơl nău uănh khlăy bâh Việt Nam đah Cuba n’hanh nău kan bâyh Cuba tâm nău kơl kan nchră nău đah dak bah dih bâh Việt Nam. Nchrăp ta rơh tât khâl, Tổng Bí thư, Kruanh dak Tô Lâm râng rơh vơt, geh ăp rơh tâm nchră, tâm mâp đah ăp đồng chí leo kan tơm kơt Cuba, an kao su ta rup ndah kruanh Hồ Chí Minh n’hanh Anh hùng mpôl rnoi Cuba Jose Martis, tât khâl du đê̆ ntŭk kan tăch rgâl wăng sa, tâm nĕ geh ăp ntŭk geh ăp nău tâm kơl kan n’hanh ntuh kơl bâh ăp doanh nghiệp Việt Nam, tâm mâp đah băl mpôl tâm rnglăp n’hanh rơh mom 2 dak.