Ntoh ngơi ta Đại hội, Thiếu tướng Nguyễn Đức Mạnh rnê âk mpeh ăp nău dơi ma tahen n’har bri Gia Lai dơi geh tâm ăp năm ba năp.

Tahen n’har bri n’gor Gia Lai way geh ƀư lôch ueh nău kan mât nău dơi nkual neh, rnă njrăng n’har bri ngih dak, tâm rgop kan têh kuăng ta trong rdâk njêng, ndâk nsơm nău kan chính trị n’hanh hun hao wăng sa rêh jêng ta nkual n’har bri. Tâm let năp tay, n’gâng kan tahen n’har bri n’gor Gia Lai nsrôih ndâk nsơm nău jêr jŏt, ƀư lôch ntoh lư ăp nău mpŏng kan, nkô̆ nău tâm rlong lvang năm 2024-2029, rdâk njêng ntŭk kan nâp dăng lĕ rngôch, Đảng bộ kloh nâp nâl ntoh lư. Nsrôih rdâng tay đah ăp nău mplư rlăm, nău kan ƀư rai bâh ăp mpôl rlăng, mât nâp nkual neh, rnă njrăng n’har bri ngih dak ta rơh mhe.