Dak Lak lah n’gor tal 4 ta nkual Tây Nguyên dơi Hiệp hội Doanh nhân Tahen ơm Việt Nam an ndrôm sam bŭt nchih bah bôk nău kan “Du rkeh ndrôm sam ƀŭt nchih an kon hŏk ach o ăp rnoi nuĭh Tây Nguyên n’hanh n’gor Bình Phước”. Bôk nău kan ƀư ôi (27/6) ta nkual ƀon têh Buôn Ma Thuột, n’gor Dak Lak.

Mpôl rdâk ƀư lĕ an 200.000 ndrôm sam ƀŭt nchih an bơi 15.600 kon hŏk tiểu học ach o ta lam n’gor Dak Lak, đah rnoh khlay bơi 900 rkeh prăk. Rnoh ndrôm sam ƀŭt nchih aơ lah geh bah bôk nău kan rgŏ jă “Du rkeh ndrôm sam ƀŭt nchih an kon hŏk ach o ƀon lan ăp rnoi mpôl, đêt Tây Nguyên n’hanh n’gor Bình Phước” yor Hiệp hội Doanh nhân tahen ơm Việt Nam rgŏ jă, ƀư tĭng tâm 2 năm (2023-2024). Aơ lah nău ƀư na nê̆ uănh tât, mât uănh bah ăp ntŭk kan n’hanh Rmôt tahen ơm ăp gưl đah rơh druh ndăm gay rgop ntrŭt nsôr, kơl an ăp kon hŏk geh tay nău dơi tât ngih sam ƀŭt tâm năm nti mhe.