Nkual dăch n’har đah Gia Lai đah ăp n’gor geh nău jong 418km, ta ntŭk jêr hăn. Lôch 8 năm ký tâm rgop kan ndrel, ăp mpôl kan têh lĕ geh leo ƀư rlău 1.800 rơh uănh nđôi, rdul joi, geh saơ 565 rơh ƀư tih mât uănh bri. Lĕ rnoh neh bri geh muih kăl rlău 45 rbăn mét vuông, geh nhup kân rlău 600 mét khối si n’hanh rmal rlău 2 rmen prăk.

Ta nkual dăch n’har đah 3 nkuăl lah Krông Pa, Sông Hinh n’hanh Krông Năng lah ntŭk duh bâh nău run in bri, ngăn lah đah nkual mât bri Ea Sô. Ta rơh rƀŭn nchră, ăp đại biểu an lah, nkô̆ nău tơm jêng nău muih kăl bri lah yor nău kan, nău kơl an mô hŏ tâm di, nău rmal ê hŏ geh tŏng nău nduih lah, nău mô dơi tâm mât uănh bri. Nău kan mât bri hôm nha geh âk nău ntul rlong, an geh ăp ntŭk, ăp n’gâng kan geh ƀư tĭng răng dăng ăp nău ntrŭnh, nghị quyết bâh Đảng n’hanh Chính phủ, tâm rgop na nê̆ lơn n’hanh ƀư an tâm ban ăp trong kan.