Nău kan joi, rgum, uănh năl ntơm săk tahen khĭt tâm lơh kăl e hôm e ê hŏ geh ntơ săk năm 2023 n’hanh 6 khay bôk năm 2024 geh ăp gâl kan,, ntŭk kan ta n’gor Gia Lai mbơh ƀư ngăch ndăn, geh săk rnglăy.

Bâh năm 2023 tât aƀaơ, Đội K52 ntŭk kan chính trị, n’gâng kan leo kan tahen n’gor Gia Lai lĕ geh rgum joi saơ geh 21 nting tahen khĭt, n’hao rnoh geh rgum, ndơ̆ sĭt dak nơm bâh năm 2001 tât aƀaơ lah 1.489 nting tahen khĭt. Ta n’gor Gia Lai, bâh năm 2023 tât aƀơ lĕ geh joi saơ 26 nting tahen khĭt tâm lơh kăl e. Rnâng kan ntĭm leo 515 uănh năl, nău kan joi rgum nting tahen khĭt tâm lơh kăl e tâm let năp tay mbra ăp nar lơ ma jêr lơn yor nău mbơh mpeh môch tâp tahen khĭt mô hôm âk, ăp ntŭk geh nău mbơh mpeh môch tâp tahen khĭt geh âk nău rgâl, ăp nuĭh git mpeh ntŭk tâp tahen khĭt aƀaơ mô hôm geh âk.