Tổng Bí thư Nguyễn Phú Trọng lah na nê̆ Việt Nam way ryơk nău kơl an, tâm kơl khlay bâh Liên Xô, tâm nĕ geh dak Nga ntơm nơh n’hanh Liên bang Nga aƀaơ ta rơh tâm lơh rdâng đah nău mât đăp mpăn, bar rơh tâm lơh tâm su, dơn ngoăy neh dak n’hanh tâm nău kan rdâk njêng n’hanh mât neh dak ba kơi tay.

Tổng Bí thư lah na nê̆ Việt Nam way uănh khlăy nău tâm boh kan way ơm, dak kan ndrel tơm khlay lĕ rngôch đah Nga, lah du nău an lor bôk năp tâm nău kơl kan nchră nău đah dak bah dih bâh nơm. Tổng thống Nga Vladimir Putin mpơl nău rhơn tât khâl Việt Nam n’hanh geh tâm tay Tổng Bí thư Nguyễn Phú Trọng, lah na nê̆ Việt Nam lah dak băl, dak kan ndrel geh nău knơm bâh Liên bang Nga, nău tâm boh kan 2 dak lĕ geh rlong âk mông nar, hun hao nău tâm boh kan ndrel tơm khlăy lĕ rngôch đah Việt Nam lah nău an lor ta trong kan nchră nău đah dak bah dih bâh Nga ta nkual châu Á- Thái Bình Dương, knơm rơh tât khâl mbra geh nău nsan mhe ta nău tâm boh 2 dak.