Ntoh ngơi ta nar ƀư, ndơn măt Kruanh Đảng, Ngih dak, Kruanh dak Tô Lâm njuăl tât ăp nuĭh ƀư báo, nuĭh báo, nsum mpôl, báo chí tâm, bah dih dak ăp nău rŏng ngăn, nău khâl đêp rmên, nău mbah rhơn uĕh lăng ngăn n’hanh dŭt n’hâm mbah rhơn 122 tác giả, rmôt tác giả dơi jao an giải Báo chí lam dak rơh 18-giải nkhôm têh ngăn bah Hội nhà báo an ăp tác phẩm báo chí, ntô̆ n’hao ăp tác giả, rmôt tác giả geh nău nchih uĕh ngăn năm 2023.

Kruanh dak đă an rgum ndâk njêng rmôt ăp nuĭh ƀư báo ngăn ngên lah ăp nuĭh tahen ta măt trận văn hóa nău mĭn, geh “nuih n’hâm ang, nuĭh n’hâm kloh uĕh, mâng nchih hơr”, “nkre uĕh, nkre blău kan”. Kruanh dak đă báo chí ntrôl dăng rgâl mrô n’hanh rgâl mhe; nu nău báo chí cách mạng an ngăn ngên jêng trong mbơh nău tơm tâm rnôk mrô. Râng tâm rlong ta Giải báo chí lam dak rơh aơ, Liên Chi hội Radio Nău ngơi Việt Nam geh 2 giải A n’hanh 1 giải C.