Mpeh nău dơn kan, Mpôl kan rgum gŭ mĭn, n’glôch jêh ngăn ngăn, nsŏng kơl mpeh rgâl mhe leo ƀư n’hanh nău kan bah Quốc hội, Ủy ban Thường vụ Quốc hội, ăp nhih pah kan bah Quốc hội; n’hao săk blău njêng pháp luật, groi nđôi gưl têh, n’glêh an ăp nkô̆ nău khlay bah neh dak; leo ƀư n’hanh nău kan bah nuĭh ntơh măt an ƀon lan, mâp cử tri, groi nđôi nkra ăp nău dăn đă bah cử tri n’hanh ƀon lan; rgâl mbrô, ntŭk mât prăp nău lư, dŏng trí tuệ nhân tạo, lăp rgum dak bah dih, tâm boh nghị viện; râng nău rgop, rlơn tay nău tih, rgop đah ăp nkô̆ nău đề án, bôk nău kan, trong nchrăp, siƀŭt mbơh têh mpeh n’glĕ nău dơi rđău đă bah Đảng ủy Quốc hội rnôk dơi tâm pă n’hanh tĭng ƀư ăp nău kan êng tă bah gưl geh nău dơi kan jao. Ta tâm nchră, Ban Thường vụ Đảng ủy Quốc hội hŏ tâm ban ŭch đah siƀŭt hao dăn n’hanh n’gluh an njêng Mpôl way gŭ mĭn mpeh Đảng ủy Quốc hội; Ủy ban Thường vụ Quốc hội hŏ tâm ban ŭch đah siƀŭt hao rblang dăn n’hanh n’gluh an dŏng Nghị quyết njêng Cục Rgâl mbrô mpeh Văn phòng Quốc hội.