Wa lah rjăp aơ mô êng lah nau ntrŭnh tâm nau kan, ma hôm lah nau ntrŭnh bah rnoi mpôl, nau ntrŭnh n’huch ach o, nau ntrŭnh hun hao kon nŭih ndrel ƀư nâp nau rnơm bah ƀon lan. Tổng Bí thư, Kruanh dak đă: Ntĭm nti nau kan ndrel ntĭm nti nau blau ân geh nsum ma nau kơl an tâm nau rêh jêng bah ăp nkuăl, ăp nroi, ăp nsum mpôl, mô geh nchâp đă du nau kan nsum, mô ƀư nau kan tĭng nau đă. Ân geh rgum tâm nau kan tuch tăm ăp ndơ kah, ueh, khlay, văng sa bri, tơm dak si, mât rong, nau ƀư kan vay ơm, pâl n’aih snum mpôl, mât ndrel hun hao bri, pơk hvi nau nthoi ntŭk ntu pă kan pah ân nŭih ƀon lan tâm nkuăl rnoi mpôl đê̆. Ngih dak kơl an nau kan ân manh prăk, nkoch mbơh nau mhe, ntĭm nti mbơh nau pháp luật, ntŭk ƀư kan tăch rgâl, tâm boh kan nsum, ntŭk ntu ƀư kan ê nkra, tâm nthoi gay ma tăch ndơ ntĭm nti nti nau kan, ndâk săk ntơ, nau geh dơi nâp; n’gor ƀư nthoi pă nau kan đăp mpăn, n’huch nau hăn ro ntrơn ntŭk lă lêng, der geh bu ndăn, geh bu rlăm./.