Ôi aơ (12/5), Đại hội đại biểu lam dak Mặt trận Tổ quốc (MTTQ) Việt Nam tâl XI ntơm pơk ngăn ta Ntŭk rgum tâm nchră gưl neh dak, Thủ đô Hà Nội đah nkô̆: “Tâm rnglăp- Tâm ban- Rgâl mhe- Blău njêng êng trong – Hun hao”. Kêng măng ntri (11/5), Đại hội hŏ rgum hop nchrăp lor, tâm ban ŭch đă Mpôl kruanh n’hanh Mpôl Thư ký bah Đại hội; ma bôk nău kan, nău way pah kan bah đại hội.

Ta rơh pah kan, đại biểu hŏ djăt trong nchrăp mbơh uănh năl nău kan bah Ủy ban Trung ương, Mpôl Kruanh n’hanh Ban Rnâng kan Ủy ban Trung ương MTTQ Việt Nam lvang năm 2024 - 2026. Siƀŭt mbơh lah rjăp, lvang năm 2024 - 2026, Ủy ban, Mpôl kruanh, Ban Rnâng kan rgâl mhe tay nkô̆, trong kan, wat jêh ngăch, săk tam, nsĭt geh nău dơi ăp nău dơn kan hŏ dơi ntrŏng năl tâm nghị quyết Đại hội n’hanh ăp nkô̆ nău ndơ̆ luh ngăn ngăn. Tĭng bôk nău kan, ôi aơ 12/5, Đại hội ƀư rơh ntơm pơk rgum đah nău tât râng bah ăp Kruanh rđău kan, kruanh ơm Đảng, Ngih dak, MTTQ Việt Nam. Kêng măng, ăp đại biểu tâm rkhăch n’hanh n’gluh an dŏng Đề án nuĭh kan Ủy ban Trung ương MTTQ Việt Nam khóa XI, năm kan 2026 - 2031; Tâm ban ŭch đă Ủy ban Trung ương MTTQ Việt Nam khóa XI, năm kan 2026 - 2031; Tâm nchră Ủy ban Trung ương MTTQ Việt Nam lor bôk năp khoá XI, năm kan 2026 - 2031.