N’gor Dak Lak mhe ntrŭnh nau sŏk nau rgop bah cử tri mpeh nau dăp rgum, rnglăp ăp rmôt kan hành chính gưl xã, gưl n’gor. Kơp dơn tâm âk nkuăl ân saơ, ƀon lan, ngăn lah nŭih rnoi mpôl đê̆ tâm ban nuih n’hâm, kơl an ndrel mpŏng ŭch tâm nau rgâl mhe jêh rnôk rnglăp. Wa Y Rul Niê, tâm ƀon Pốt A, nkuăl Cư Mgar, ntoh nau: “Bol ma hăn ro geh nau jêr, yơn cán bộ ân geh nau blau, nsôih ri mra geh nau dơi”. Mô êng rnơm tâm gưl xã, âk ƀon lan hôm rnơm nau rnglăp mra pơk trong hun hao ăp nkuăl.

Nô Huỳnh Trần Minh Đức (nkuăl ƀon têh Buôn Ma Thuột) kơp dơn: Lah Dak Lak rnglăp ma Phú Yên, văng sa dak lêng tâm rgop ma tơm tăm bah Tây Nguyên mra njêng nkuăl dăng, ntrŭt dăng nau tăch rgâl, logistics”. Nau kan dăp rgum, rnglăp lah nhoat hăn khlay gay ƀư gleh, săk tam trong kan hành chính. Nau tâm ban nuih n’hâm ndrel nau rnơm bah ƀon lan lah nau nsôih têh kơl an n’gâng kan ƀư dơi nau aơ, rgop nau hun hao nâp nâl neh dak./.