Ntoh ngơi ntơm ƀư, Trung tướng Lê Ngọc Hải, Tư lệnh Quân khu 5 an gĭt, Dak Lak lah n’gor bôk năp ta ntŭk Quân khu ƀư tiăr nti nkual njrăng rdâng gưl n’gor tâm năm kan 2026-2031.

Rơh nti geh nkô̆ nău dŭt khlay gay mât uănh tay, rgâl ueh  nău mĭn, trong hăn bah Đảng, nău kơl pháp luật bah Ngih dak mpeh ndâk njêng trong mât njrăng bri dak lam ƀon lan đah rnă njrăng ƀon lan. Nkre n’hao dơi ntĭm rđău, ƀĭt joet bah gưl ủy, n’gâng kan ƀon lan tâm ndâk njêng n’hanh nău kan nkual njrăng rdâng dơi ƀư tâm nău dơi pơk dŏng ntrong ƀư n’gâng kan ƀon lan 2 gưl; ngăn lah tâm mkra ăp nău mpeh mât njrăng bri dak-rnă njrăng.