Tĭng Nghị quyết bâh Quốc hội, lam dak geh 34 ntŭk kan hành chính gâl n’gor, geh 28 n’gor n’hanh 6 nkuăl ƀon têh. Tâm nĕ geh 23 ntŭk kan hành chính gâl n’gor mhe geh nglăp nsum bâh 52 n’gor nkuăl ƀon têh ơm. 11 n’gor, nkuăl ƀon têh geh mât kơt ơm. Nghị quyết geh tam ƀư bâh nar ntơm an dŏng, 12/6/2025. Nghị quyết đă, ăp ntŭk kan tĭng nău dơi ngăch ndăn ƀư tĭng ăp nău nchrăp kan khlăy mât đăp mpăn gay ma dơi geh n’gâng kan ta ntŭk ăp n’gor, nkuăl ƀon têh njêng lôch pă dăp ngăn ntơm bâh lơ 1/7/2025. Nkre lah, ƀư lĕ rngôch ăp nău kan, ăp ntŭk kan, leo pah kan ta ăp ntŭk, kơl ngăch doh rklaih nău j êr jŏt, kŏ khan bâh cán bộ, viên chức, nuĭh pah kan geh nău tât, nău khuch bâh nău pă dăp, mât đăp mpăn nău rêh jêng, nău dơi n’hanh nău geh tâm di pháp luật, tâm di an ƀon lan, doanh nghiệp n’hanh nău ŭch hun hao wăng sa rêh jêng, mât rnă njrăng ngih dak, đăp mpăn ta ntŭk.