N’gâng kan ntĭm rđău tahen n’gor Dak Lak mhe ƀư Rgŏ jă rơh tâm rlong mbah rhơn Đại hội tâm rlong nsrôih dăng, lvang 2019-2024 đah bôk nău “30 năm nar ƀư ntrong leo-Tâm rlong sŏk 3 gưl prêh nsrôih dăng”. Rơh tâm rlong ntơm bah aƀaơ tât lơ 14/7/2024, rgum tâm 3 nkô̆ nău, rnoh an ƀư khlay: ndfâk njêng ntŭk kan nâp dăng mpeh chính trị, nău mĭn, nău rêh, rmôt kan n’hanh cán bộ; ƀư tĭng nău kan chính trih uĕh nâp, săk nglăy âk ngăn; ndâk ƀư ăp nău kan ngăn ngên, săk rnglăy.

Tĭng nĕ, 100% cán bộ, tahen geh nău wât di, mĭn uĕh nău mĭn, lĕ đah nău kan đah ntŭk kan, ngih pah kan, dơn n’hanh lôch uĕh ăp nău kan dơi jao. Gay ƀư tĭng rơh tâm rlong, Đảng ủy-N’gâng kan ntĭm rđău tahen n’gor Dak Lak đă ăp ngih pah kan, ntŭk kan, tă bah nĕ, ntrôl ngih pah kan, ntŭk kan lôch uĕh ăp nău kan dơi jao, rgop ndâk njêng ngih pah kan, ntŭk kan nâp dăng lĕ rngôch “Ntrong leo, ntoh lư”.