Ntoh ngơi ta rơh lễ, Thủ tướng Phạm Minh Chính lah na nê̆ aơ lah nău kan dŭt khlăy, geh ƀư ta rơh dŭt khlăy, di rơh kahgĭt 50 năm nar rklaih đăp mpăn miền Nam, dơn ngoăy neh dak. Gay ma ƀư dơi nău kan tâm rlong “Lam dak tâm rlong rgâl mhe mĭn kan, rgâl mhe rnoh mbrô”, Thủ tướng đă ăp gâl ủy Đảng, n’gâng kan, ngăn lah nuĭh leo bôk năp, an geh hăn lor ta trong kan n’hao nău dơi rnoh mbrô, ntrôl rgâl mhe mĭn kan ta ntŭk n’hanh ntŭk kan nơm, doanh nghiệp công nghệ geh mât nău leo tơm, hăn lor bôk năp, n’gâng kan hăn ndrel, nuĭh ƀon lan nsrôih tât râng nău kan đah ntrong: “Nuĭh ƀon lan n’hanh doanh nghiệp lah ntŭk nklang, lah tơm kan, rnoh kan, nău nsrôih tơm, nuĭh kan khoa học lah nău kan tơm khlăy, Ngih dak geh mât nău leo tơm, ntrôl dăng, nta nău dơh nơih ueh an hun hao KHCN, rgâl mhe mĭn kan n’hanh rgâl mhe rnoh mbrô ngih dak”.