Tĭng nău mbơh kơp bâh ntŭk kan tuch tăm mât rong n’hanh hun hao ƀon lan nkuăl Ia Grai, n’gor Gia Lai, sial rvoanh blông geh ta xã Ia Krai ƀư plôk chor 2 mblâm ngih jay, rŭng lĕ klâp ma 1 tấn play sầu riêng dôl nchrăp pĕ lêh, xã Ia Khai geh 20 mblâm ngih jay geh plôk chor n’hanh ăp ndơ dŏng êng lĕ khuch kơt jrŏng điện, rse điện..rlău 3 ha điều n’hanh klâp ma 700 tơm cao su geh pă chôt. Lôch geh gĭt na nê̆ nău tât, nuĭh leo kan UBND nkuăl Ia Grai lĕ geh măt ta ăp xã n’hanh ntĭm đă n’gâng kan ta ntŭk rgum lĕ mpôl kan kơl an nuĭh ƀon lan ndâk nsơm nău tât.