Kruanh Quốc hội rnê âk ăp nău tâm rgop  kan bâh Đaị sứ Oliver Brochet tâm nău ntrôl tâm boh kan ndrel lĕ rngôch Việt Nam- Pháp, tâm nĕ geh nău tâm boh tâm kơl kan đah Quốc hội Việt Nam n’hanh Nghị viện Pháp. Kruanh Quốc hội an lah, nău tâm boh Việt Nam- Pháp dôl geh âk nău dơh nơih gay ma hun hao têh dăng, ngăn lah lôch rnôk  2 dak n’hao nău tâm boh hai jêng 2 dak kan ndrel lĕ rngôch. Quốc hội Việt Nam ŭch ndrel đah Nghị viện Pháp n’hao nău tâm boh kan ăp gưl kan, tâm mbơh nău tă kan lập pháp, uănh nđôi n’hanh ntrôl tâm kơl kan đah  đah 2 dak ta ăp ntrong kan. Kruanh Quốc hội Trần Thanh Mẫn dă Đại sứ Olivier Brochet an geh lah ntung njŏ tay, ntop ntrôl nău tâm boh kan Việt Nam- Pháp ăp nar lơ ma têh hvi, ngăn ngăn n’hanh săk rnglăy. Đaị sứ Olivier Brochet lah na nê̆ mbra   ntrôl nău nău tâm boh kan tâm rnglăp kan n’hanh tâm kơl kan đah 2 dak, ngăn lah ta trong kan nghị viện.