Ntoh ngơi ta Rơh rƀŭn, Thủ tướng Lê Minh Hưng năl lah, jâng wăng sa dôl geh âk nău jêr têh bah nău đă rgâl mhe ntrong kan hao jêng n’hanh uănh nđôi hao roh mhe. Yor rĭ, ăp n’gâng kan, nău kan, ƀon lan an nchrăp lor tay, dŭt n’hâm mbơh ƀư ăp trong mkra dôh rklaih jêr jŏt, ntrôl nkra njêng, tăch rgâl n’hanh pă an prăk ntuh kơl nsum.

Tĭng nău mbơh, tâm 8 khay bah năp, sŏk an tơm prăk ngih dak geh rlău 2 rkeh rmen prăk; nklăp 209 rbăn rmen prăk soăy, prăk dơi mô  sŏk, n’hŭch, njong năm an nuĭh ƀon lan n’hanh doanh nghiệp. Pă an prăk ntuh kơl nsum geh 49% trong nchrăp; prăk FDI dăn ƀư geh rlău 40 rmen đôlar, hao 55% nkôp đah rơh aơ. Dĭng lĕ geh prăk nglăp rwăt tăch n’gluh geh nklăp 770 rmen đôlar. Thủ tướng Lê Minh Hưng đă nâp nâl tay nău rƀŏng uănh nđôi hao roh mhe, nâp nâl đăp mpăn wăng sa têh, ntrôl hao jêng tâm ăp khay dŭt năm. Ăp nuĭh kan chính phủ rgum mkra ăp ntŭk kol, ntrôl ăp soan hao jêng, nsrôih jêh âk ngăn ăp nău rƀŏng wăng sa-rêh jêng năm 2026.