Ôi 22/4, ta Ngih Chính phủ, Thủ tướng Phạm Minh Chính ƀư tơm rơh rƀŭn đah ăp n’gâng kan, nău kan gay uănh lah nu nău, tâm nchră trong ƀĭt joet soăy, prăk đah ndơ tăch n’gluh, nglăp rwăt. Thủ tướng Phạm Minh Chính an gĭt, jêh mbơh mpeh nău kơl soăy bah Mỹ, chính phủ lĕ geh âk trong mkra ngăch, tâm rgâl mpeh chính trị, tâm rnglăp bah dih; nchrăp an Nghị định bah Chính phủ, koh n’hŭch ăp trong soăy đah du đêt ntil ndơ bah Hoa Kỳ sĭt zê rô.

Tât aƀaơ, du đêt nău nchrăp ƀư Hoa Kỳ uănh tât kơt tĭng gưl mkra tâm trôm bah pháp luật n’hanh tâm ton đah 2 dak. Ta năp nu nău mhe, Thủ tướng đă êp tât an ngăch, mĭn ƀư mhe, janh tâm nchră; mât uĕh lơn ăp nău blău ơm lĕ geh bah sa ơm tât aƀaơ gay tâm nchră. Mpeh nău way ƀư, Thủ tướng lah rjăp nău tĭng ăp ntĭm rđău bah Bộ chính trị, Tổng Bí thư, Chính phủ, Thủ tướng Chính phủ; uănh mĭn nău đă bah mpeh Hoa Kỳ gay ndâk njêng trong mkra; mĭn tâm nchră lah trong mkra khlay, tơm gay ntrôl tâm ban tăch rgâl Hoa Kỳ du trong nâp nâl, jŏ jong.