Thủ tướng Phạm Mih Chính mhe mêt uănh nau ƀư nau nkra trong hăn ngăch Cần Thơ-Cà Mau, đă rmôt kan ƀư ndal, nsôih ƀư jêh nau kan rlet nau nchrăp gay năn leo lăp dŏng tâm lơ 19/12/2025. Bôk nau kan aơ geh rnoh jong 110 km, tât rnôk aơ jêh 66% nau ngăch, ntrơn ntŭk ân neh nkra trong bah 5 n’gor, nkuăl ƀon têh, geh: Cần thơ, Hậu Giang, Bạc Liêu, Cà Mau ndrel Kiên Giang hŏ ƀư jêh 100%. Thủ tướng rnê nau nsôih bah Cà Mau tâm nau ntrơn ntŭk pă neh gay nkra ndrel ndâk ngih dak si Cà Mau. 

Thủ tướng lah rjăp: Ŭch Cà Mau ơm hun hao ri an geh tach ndeh mpar, mpông dak lêng, trong hăn ngăch” nkre đă ăp tơm ntuh kơl dŏng nŭih kan ndrel rmôt kan tăch rgâl tâm n’gor. Đah nau nsôih “sa ndăn, bĭch ndăn, pah kan 3 ca 4 kip”, Thủ tướng đă Rnâng kan mât Mỹ Thuận ân ƀư ngăch, ndŏ nkô̆ nau ƀư jêh nau kan, leo lăp dŏng tâm lơ 19/12/2025./.