Kêng măng ntri 12/3, Thủ tướng Phạm Minh Chính hŏ wơt wa Nate Franklin, Kruanh tập đoàn Pacifico Energy, ngoăy tâm ăp nuĭh ntuh kơl ŭnh nar sĭt jêng tay dâk bôk năp bah Hoa Kỳ ta Việt Nam. Thủ tướng rhơn rnê trong nchrăp bah tập đoàn ntuh kơl tâm n’gâng kan ŭnh nar sĭt jêng tay bah Việt Nam, lah rjăp Việt Nam ntrŏng ŭnh nar sĭt jêng tay, ŭnh  nar mhe lah nău dơn kan khlay.

An gĭt Việt Nam ntrŏng hun hao GDP ntơm bah 8% tâm năm 2025 n’hanh bar mbrô tâm ăp năm tât đah nău ŭch geh dŏng điện âk, nkre ntrŭt ntrôl tăch n’gluh điện kloh uĕh, Thủ tướng đă tập đoàn n’hao dăng ntuh kơl, tăch rgâl ta Việt Nam mpeh rgâl nđĭr uĕh, ŭnh nar sĭt jêng tay; gŭ mĭn, ntuh kơl hun hao trong rse điện, têk njŭr điện gay rgop đăp mpăn tŏng ăp ŭnh nar.  

Lôch nê, Thủ tướng wơt wa bu ur Nicola Beer, Groi Kruanh Ngân hàng ntuh kơl châu Âu, Thủ tướng Phạm Minh Chính lah uĕh châu Âu n’hanh ngân hàng ntuh kơl châu Âu way hăn ndrel, ntop kơl Việt Nam tâm bah ri aơ, tâm nê geh ăp trong nchrăp kan rgâl ŭnh nar. Groi Kruanh Ngân hàng ntuh kơl châu Âu tâm ban ŭch âk đah ăp nkô̆ tâm ôp bah Thủ tướng, lah rjăp, Việt Nam lah tơm ntĭt leo lor trong hun hao ma âk dak mbra dơi kơt nti.